Իրանը ոստիկանական ջրցան մեքենաներն օգտագործում է փողոցները կորոնավիրուսից ախտահանելու նպատակով (տեսանյութեր)

Իրանը ոստիկանական ջրցան մեքենաները լիցքավորել է ախտահանիչ քիմիական միջոցներով և դրանցով ախտահանում է փողոցները` կորոնավիրուսից պաշտպանվելու համար: Այս մասին տեղեկացնում է alarabiya.net կայքը` հղում անելով Tasnim գործակալությանը:

Twitter սոցիալական ցանցի օգտատերերը նշում են, որ դրանք հենց այն ջրցան մեքենաներն են, որոնք օգտագործվել են բողոքի ակցիաների ժամանակ՝ ցուցարարներին ցրելու նպատակով:

Առողջապահության համաշխարհային կազմակերպության տվյալներով քլոր պարունակող որոշ ախտահանիչ միջոցներ կարող են սպանել նոր կորոնավիրուսը:

Ինչպես ավելի վաղ տեղեկացրել էր Tert.am-ը, Իրանում մեկ օրում նոր տեսակի կորոնավիրուսով վարակվածների թիվը ավելացել է 500-ով՝ հասնելով 1501-ի, զոհերի թիվը հասել է 66-ի:

Փետրվարի 28-ին հայտնի է դարձել, որ Իրանի խորհրդարանը դադարեցնում է աշխատանքը կորոնավիրուսի տարածման սպառնալիքի պատճառով: Նախօրեին հաղորդվել էր, որ կորոնավիրուս է հայտնաբերվել երկրի խորհրդարանի 4 անդամների մոտ:

Իրանում կորոնավիրուսի առաջին դեպքերի մասին հայտնի է դարձել փետրվարի 19-ին:

Կորոնավիրուսի համաճարակի մասին Չինաստանի իշխանություններն ԱՀԿ-ին հայտնել էին դեկտեմբերի 31-ին: Հայտնի է, որ վիրուսը տարածվել է Հուբեյ նահանգի Ուհան քաղաքից: Չինաստանում կա ախտահարման 79 968, մահվան 2873 և ապաքինման 41 675 հաստատված դեպք: Նշվում է, որ Չինաստանում ախտահարվածների 52.1%-ն ապաքինվել է: Ինչ վերաբերում է Չինաստանի սահմաններից դուրս տարածքներին, ապա մյուս երկրներում կա ավելի քան 7000 վարակակիր, գրանցվել է մահվան 105 դեպք:

Watch: Here is Tehran, #Iran capital. Water cannon is used to disinfect roads and cars at Iconic Enghelab Square. A banner fixed on the truck reads “#Coronavirus crackdown operation”. #irancoronavirus official death toll is 54 so far and is expected to rise. pic.twitter.com/PJYaeGClVT

— Habib Abdolhossein (@HAbdolhossein) March 1, 2020

Այս թեմայով Իրանում գրանցվել է COVID-19- ի զոհերի ռեկորդային ցածր ցուցանիշ Իրանում վարակվածների կեսից ավելին ապաքինվել է Ռոհանին ասել է, թե երբ Իրանում կչեղարկվի ազատ տեղաշարժի արգելքը. «ՌԻԱ Նովոստի» Իրանում մոտ 100 000 կալանավոր ժամանակավորապես ազատ է արձակել Չինաստանը կոչ է անում չեղարկել հակաիրանական պատժամիջոցները՝ կորոնավիրուսի հետ կապված