Ո՞ւմ էր անհրաժեշտ այս անիմաստ խաղը
Ֆուտբոլի Հայաստանի հավաքականը Երեւանում 5:0 հաշվով պարտության մատնեց մի երկրի հավաքականի, որի անունն անգամ Հայաստանի եւ աշխարհի բնակչության 99.9 տոկոսն անգամ չի լսել: Կարճ ասած, Հայաստանը հաղթեց Սենտ Քիթս եւ Նեւիս անվանումով երկրի հավաքականին:
Խաղի մասին անիմաստ է խոսել, գրել: Ինչ ասես եւ գրես, երբ անգամ բերանդ չի բացվում վանկարկելու գոլ: Ընդամենն ասենք, որ Սենտ Քիթս եւ Նեւիս պետությունը բաղկացած է Սենտ Քիթէս եւ Նեւիս փոքրիկ, շատ փոքրիկ կղզիներից: Կարիբյան ծովի արեւելյան մասում գտնվող այս երկիրն Արեւմտյան կիսագնդի ամենափոքրիկ երկիրն է ինչպես տարածքով, այնպես էլ բնակչության թվով: Տարածքն ընդամենը 261 քառ. կմ է: Այս կղզիներում ապրում է մոտ 50 հազար մարդ:
Այսպիսով, Հայաստանի հավաքականը Չեռնոգորիայի հետ կարեւոր խաղից առաջ նույն հաջողությամբ կարող էր խաղալ Հրազդան քաղաքի սիրողական թիմի հետ: Այնպիսի տպավորություն է, կարծես ՖԻՖԱ-ից խնդրել էին, որ մենք հանուն ֆուտբոլի զարգացման խաղանք այս երկրի հավաքականի հետ: Ավելին, տպավորություն է, թե Սենտ Քիթս եւ նեւիս երկիրը մեզ դրա համար գումար է հատկացրել: Այլապես դժվար է ասել, թե ինչ միտք ու նպատակ ուներ այս հավաքականի հետ ընկերական հանդիպում անցկացնել:
Ի դեպ, ՖԻՖԱ-ի դասակարգման աղյուսակում այս երկիրը զբաղեցնում է 89-րդ տեղը, ինչից եզրակացնում ենք, որ այս աղյուսակն այն փաստաթուղթը չէ, որը կարող է պատկերացում տալ այս կամ այն հավաքականի ներուժի մասին:
Top-News.am


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ