Զիդան. Ոչ, ես աշխարհի լավագույն մարզիչը չեմ
Չեմպիոնների լիգայի գավաթը երկու տարի անընդմեջ նվաճած Մադրիդի «Ռեալի» ֆրանսիացի գլխավոր մարզիչ ֆրանսիացի Զինեդին Զիդանը չի համարում, որ ինքն է աշխարհի լավագույն մարզիչը: Այդ մասին նա ասել է Քարդիֆում տեղի ունեցած եզրափակիչում Թուրինի «Յուվենտուսի» նկատմամբ 4:1 հաշվով հաղթանակից հետո:
«Գերազանց մրցաշրջան ստացվեց: Պետք է շնորհավորել բոլոր խաղացողներին եւ այս մեծագույն ակումբին: Այս խաղացողներով մենք կարող ենք դեռ շատ նվաճումներ ունենալ ապագայում, եթե շարունակենք միասին շատ աշխատել:
Առաջին խաղակեսում բարդ էր, բայց երկրորդում մենք ցույց տվեցինք մեր կարգը: Մենք ավելի շատ էինք ճնշում գործադրում եւ ֆիզիկապես գերազանցեցինք մրցակցին: Մեր հաջողության գրավականը յուրաքանչյուրի կարեւորությունն է իրեն վերապահված օղակում: Բոլորն ունեն իրենց ներդրումը: Մեր խաղացողները հրաշալի են հասկանում իրար: Երբ կա այդ գործողը եւ տաղանդը, հաջողության շանսերը մեծ են:
Ես երջանիկ եմ: Եթե նույնիսկ իմ հույզերը զուսպ են, ներսում ես շատ գոհ եմ: Ե՞ս եմ աշխարհի լավագույն մարզիչը: Ոչ, ինչ եք ասում»,- Զիդանի խոսքը մեջբերում է Marca-ն:
«Ռեալը» 12-րդ անգամ նվաճեց եվրոպական չեմպիոնների գավաթը: Զիդանի գլխավորած թիմը Չեմպիոնների լիգայի դարաշրջանում դարձավ առաջինը, որին հաջողվեց պաշտպանել տիտղոսը:
«Ռեալը» 59 տարում առաջին անգամ կարողացավ նույն մրցաշրջանում նվաճել Իսպանիայի չեմպիոնի կոչումն ու Չեմպիոնների լիգայի գավաթը: Նախորդ անգամ Արքայական թիմն այդպիսի նվաճման հասել էր 1958-ին:


















































Գարեգին Երկրորդի եղբոր կալանքը 2 ամսով երկարաձգվեց
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Կլիմայական փոփոխությունների պատճառով` սպիտակ արջերը ավելի գեր եւ ավելի առողջ են դարձել