Ինչ նվերներ է ստացել Թրամփը համաշխարհային առաջնորդներից

ԱՄՆ դաշնային պաշտոնյան հայտնել է, թե ինչ ուշագրավ նվերներ են համաշխարհային առաջնորդները հանձնել ԱՄՆ նախագահ Դոնալդ Թրամփին և առաջին տիկնոջը վերջին տարիների ընթացքում:

Ինչպես ներկայացնում է Daily Mail-ը, ըստ պետական գրանցամատյանի տվյալների՝ Թրամփը, առաջին տիկին Մելանյան, նախագահի դուստր Իվանկան և փեսա Ջարեդ Կուշները 88 420 դոլար արժողությամբ նվերներ են ստացել 2018-ին: Մինչդեռ 2017-ին այդ ցուցանիշը կազմել էր 140 000 դոլար:

2017-ին Վիետնամի վարչապետը Թրամփին նվիրել է վերջինիս դիմանկարն ամերիկյան դրոշի առաջ և թանկարժեք քարով զարդարված, որի արժեքը կազմել է 1880 դոլար: 2018-ին շարունակելով ավանդույթը՝ վիետնամցի պաշտոնյան ԱՄՆ առաջնորդին նվիրել է իր նկարը ոսկե շրջանակով, որի արժեքը 3100 դոլար է:

Ամենաարժեքավոր նվերը Թրամփը ստացել է Ֆրանսիայի նախագահ Էմանուել Մակրոնից, այն է գոլֆի պայուսակ Louis Vuitton-ից և լուսանկարների հավաքածու, որոնց արժեքը կազմել է 8250 դոլար:

Նախագահն ու առաջին տիկինը նվեր են ստացել նաև Հնդկաստանի վարչապետից երկուշաբթի Ահմենադաբադ կատարած այցի ժամանակ:

Հիշեցնենք, որ նախօրեին հաղորդվում էր, որ ՌԴ նախագահ Վլադիմիր Պուտինը 2018-ին 12 արծաթե մետաղադրամներ էր նվիրել Թրամփին:

Այս թեմայով Թրամփ․ ԱՄՆ-ը ունի զենք, որի մասին ոչ ոք չգիտի Թրամփը հայտարարել է, որ խաղաղության Նոբելյան մրցանակն ինքը պիտի ստանար իր դադարեցրած «յուրաքանչյուր պատերազմի» համար Ես նրանց կջնջեմ երկրի երեսից, եթե uպառնալիքները շարունակվեն. Թրամփն՝ Իրանին Գրենլանդիան ունի գերակա նշանակություն ազգային անվտանգության համար և բոլորը համաձայն են դրա հետ. Թրամփ Թրամփն Իրանի մասին. մենք նախօրեին շատ կյանքեր փրկեցինք