ԱՄՆ-ն և Հնդկաստանը հայտարարել են մեծ առեւտրային համաձայնագրի շուրջ աշխատանքների մասին
ԱՄՆ նախագահ Դոնալդ Թրամփը եւ Հնդկաստանի վարչապետ Նարենդրա Մոդին Դելիում կայացած բանակցություններից հետո հայտարարել են, որ իրենց երկրներն աշխատում են առեւտրային խոշոր համաձայնագրի շուրջ, փոխանցում է «Ամերիկայի ձայնը»:
«Մեր թիմերը հսկայական առաջընթաց են արձանագրել համապարփակ առեւտրային համաձայնագրի շուրջ աշխատանքում, եւ ես կարծում եմ, որ մենք կարող ենք հասնել այնպիսի համաձայնության, որը մեծ նշանակություն կունենա երկու երկրների համար», - ասել է Թրամփը Հնդկաստան կատարած այցի վերջին օրը:
Նա հայտարարել է Հնդկաստանի հետ ընդհանուր 3 միլիարդ դոլարի ամերիկյան ուղղաթիռների եւ այլ ռազմական տեխնիկայի մատակարարման վերաբերյալ համաձայնագրի մասին եւ հայտնել է, որ Վաշինգտոնը եւ Դելին ընդլայնում են համագործակցությունն ահաբեկչության, կիբերանվտանգության եւ ծովային անվտանգության դեմ պայքարում:
Թրամփը հայտարարել է, որ ԱՄՆ-Հնդկաստան հարաբերություններն այսօր «իսկապես ավելի ամուր են, քան երբեւէ»: Մոդին նույնանման գնահատական է տվել` հայտարարելով, որ Թրամփի օրոք երկու երկրների միջեւ առեւտրի ծավալը զգալիորեն աճել է, եւ նրանց միջեւ հարաբերությունները հասել են նոր մակարդակի:
Նա նաեւ նշել է, որ Թրամփի հետ արդյունավետ բանակցություններ է վարել ԱՄՆ-Հնդկաստան գործընկերության տարբեր առանցքային կողմերի վերաբերյալ, ներառյալ` պաշտպանությունն ու անվտանգությունը, էներգետիկան եւ տեխնոլոգիաները:
Կասեցվել է Վանաձորի գազալցակայաններից մեկի հեղուկ գազի վաճառքը
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Ջերմաստիճանը կբարձրանա
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք
ՆԱՏՕ-ի չորս երկրներ պաշտպանության ֆինանսավորման նոր մեխանիզմ կստեղծեն
Գազայում ավելի քան 1500 հիվանդ է մահացել՝ բուժման հասանելիության սահմանափակումների պատճառով
Դամասկոսում պայթյունների հետևանքով 18 մարդ է տուժել
Կարկուտից տուժած գյուղացիները փակել են Մարգարա-Վանաձոր-Տաշիր ճանապարհը
ՇՄՆ էկոպարեկային ծառայության Կոտայքի և Գեղարքունիքի մարզային վարչության մեկամսյա աշխատանքի ամփոփում