Օպտիմալացման արդյունքում խնայված ռեսուրսները պետք է ուղղվեն գյուղերի դպրոցներին
Կրթության փորձագետ Սերոբ Խաչատրյանը կողմ է դպրոցներն օպտիմալացնելուն, սակայն կարծում է, որ դա պետք է արվի շատ մտածված ու կազմակերպված:
«Մեր բարեփոխումների հիմնական թերությունը վատ նախապատրաստվելն է, կրթության համակարգում պետք է երկար մտածել փոփոխություն անելուց առաջ: Օպտիմալացումը պետք է լինի մեծ ծրագրի մի փոքր մասը, միայն օպտիմալացումը սխալ է»,- այսօր՝ հունիսի 2-ին, լրագրողների հետ հանդիպմանն ասաց փորձագետը:
Սերոբ Խաչատրյանի խոսքով, երկրորդ կարեւոր գործոնն այն է, թե ինչպես է իրականացվում այդ օպտիմալացումը: Եթե վատ ուսուցիչներն ու տնօրենները դուրս են մնալու դպրոցներից, դա ըստ փորձագետի լավ է, սակայն եթե հակառակ պատկերը լինի, բնականաբար դա կազդի կրթության որակի վրա. «Օպտիմալացման արդյունքում խնայված ռեսուրսները պետք է ուղղվեն գյուղերի դպրոցներին, այնտեղ ունենք թե շենքային պայմանների, թե ուսուցիչների խնդիր: Գյուղական դպրոցներ կան, որոնք նորմալ չեն ջեռուցվում, զոգւարան չկա, ջուր չկա, երեխաներն էլ, օրինակ, երեք դասարանով միասին դասի են նստում: Սրան զուգահեռ, պետք է մտածել նաեւ ուսուցիչների որակի մասին, քանի որ գյուղերում այսօր շատ ուսուցիչներ ստիպված նաեւ գյուղատնտեսությամբ են զբաղվում, այնպիսի պայմաններ պետք է ստեղծել, որ մանկավարժությունն առաջնային մասնագիտությունը լինի ուսուցչի»:
Նշենք, որ Կրթության եւ գիտության նախարարությունն այժմ քննարկում է օպտիմալացման հարցը: Առայժմ հայտարարվում է այն մասին, որ չպետք է քաղաքներում լինեն քիչ աշակերտ, բայց մեծ շենք ունեցող եւ շատ աշակերտ, սակայն փոքր շենք ունեցող դպրոցներ: Գյուղերում դեպքում Սերոբ Խաչատրյանի խոսքով պետք է լուրջ մտածել, քանի որ կան գյուղեր, որոնք հեռու են գտնվում միմյանցից եւ հատկապես ձմռանը դժվար է լինում մի գյուղից մյուսը հասնել:
Օպտիմալացման ժամկետների մասին դեռեւս չի հայտարարվել:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ