17-ամյա աղջիկը Բալոտելիից 100 հազար եվրո է պահանջել՝ նրա հետ սեռական կապը չբացահայտելու համար

 «Բրեշիայի» հարձակվող Մարիո Բալոտելին երիտասարդ աղջկա կողմից շանտաժի է ենթարկվել, երբ խաղալիս է եղել «Նիցի» կազմում: Այս մասին հայտնում է Football Italia-ն:

Բալոտելին աղջկա հետ հանդիպել է, երբ նա դեռ 17 տարեկան է եղել: Ընդ որում` աղջիկը նրան հավաստիացրել է, որ անչափահաս չէ: Երբ նրանց միջև սեռական հարաբերություն է եղել, աղջիկը ֆուտբոլիստին պատմել է իր իրական տարիքն ու 100 հազար եվրո պահանջել լռության համար:

Աղբյուրի փոխանցմամբ, աղջիկը Բալոտելին շանտաժի է ենթարկել ոչ միայն նրանով, որ ամեն ինչ կպատմի լրագրողներին, այլ որ ֆուտբոլիստին կմեղադրի սեռական բռնության մեջ: Ոստիկանությունն այժմ քննում է միջադեպը:

Հիշեցնենք՝ Բալոտելին 2016-2018 թվականներին է հանդես եկել «Նիցում»: Օգոստոսին ֆուտբոլիստը 30 տարեկան կդառնա:

Աղբյուր  ArmSport.am