Արարատն ընկերական խաղում պարտվեց Սպարտակին

Երևանի «Արարատը» Սոչիի հավաքի շրջանակում վերջին խաղն է անցկացրել՝ մրցելով Մոսկվայի «Սպարտակի» հետ: Երևանյան թիմը 1:3 հաշվով պարտություն է կրել:

Հանդիպման հաշիվը խաղի 18-րդ րոպեին բացել են «Սպարտակի» ֆուտբոլիստները: 5 րոպե անց Վելսենը հավասարեցրել է հաշիվը ու թիմերն ընդմիջման են գնացել 1:1 հաշվի պայմաններում:

Երկրորդ կեսի միջնամասում՝ 68-րդ րոպեին «Սպարտակի» ֆուտբոլիստներին հաջողվել է առաջ անցնել հաշվի մեջ, իսկ խաղավարտից 1 րոպե առաջ՝ 89-րդ րոպեին, մոսկովյան թիմի խաղացողները խփել են երրորդ գոլը:

Նշենք՝ «Արարատը» երկրորդ ուսումնամարզական հավաքն էր անցկացնում Սոչիում:

«Արարատը» Հայաստանի առաջնության մրցաշարային աղյուսակի 4-րդ հորիզոնականն է զբաղեցնում: