Պյոտր Սվիտալսկի. ԵՄ-ի հետ նոր համաձայնագիրը կստորագրվի մինչեւ նոյեմբեր
Հայաստան-ԵՄ նոր շրջանակային համաձայնագիրը կստորագրվի մինչեւ նոյեմբեր: Այդ մասին այսօր հայտարարեց Հայաստանում Եվրամիության պատվիրակության դեկավար, դեսպան Պյոտր Սվիտալսկին`«ԵՄ-Հայաստան հարաբերությունները եւ հեռանկարները» թեմայով քննարկման ընթացքում: Քննարկումը կազմակերպել էր «Գլոբալիզացիայի եւ տարածաշրջանային համագործակցություն» հասարակական կազմակերպությունը: Դեսպանի խոսքով, դեռ տեխնիկական խնդիրներն են ի մի բերվում: «Հայաստանն Արևելյան գործընկերության երկրներից առաջինն է, որ կառուցողական առաջարկով սկսեց համագործակցել Եվրամիության հետ»,- ասաց դեսպանը` հավելելով, որ իրենք «տրանսֆորմացիայի գործակալներ» են եւ որեւէ շահ չունեն այս ամենից: Միայն ցանկանում են շրջապատված լինել վերափոխված եւ առավել ժողովրդավար երկրներով: Դեսպան Սվիտալսկին հայտարարեց, որ իրենք այժմ սպասում են նոր կազմավորվող կառավարության ռազմավարության հստակեցումներին: Իրենց մոտեցումները հստակ են՝ դատական իշխանությունների անկախացում, կոռուպցիայի դեմ պայքար, խտրականության մերժում, ժողովրդավարական հաստատությունների զարգացում: «Եթե Հայաստանում կոռուպցիան չստանա արժանի պատասխան, ապա դժվար թե Եվրամիությունից հնարավոր լինի սպասել էական ներդրումներ Հայաստանի տնտեսությունում: Անցյալ տարի ԵՄ-ն Հայաստանի կառավարությունից ստացել է երաշխիքներ այլ ոլորտներում եւս երկկողմ համագործակցության խորացման պատրաստակամության մասին»,- հայտարարեց դեսպանը`հավելելով, որ հարաբերությունների ապագան կախված է Հայաստանից:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ