Շվեյցարիայում սեռական կողմնորոշման վրա հիմնված խտրականության դեպքերը կպատժվեն օրենքով
Շվեյցարիայի քաղաքացիները հանրաքվեի ժամանակ քվեարկել են երկրում սեռական կողմնորոշման հիման վրա խտրականության դեպքերը պատժելի դարձնելու մասին նոր օրենքի ընդունման օգտին, հայտնում է Reuters գործակալությունը:
Շվեյցարիայի ընտրողների գրեթե երկու երրորդը՝ 63,1 տոկոսը, կողմ է քվեարկել այն նորմին, որով հասարակական հաստատությունների և ծառայությունների ոլորտի աշխատակիցները չեն կարող հրաժարվել հաճախորդներին սպասարկելուց՝ նրանց սեռական կողմնորոշման պատճառով: Շվեյցարիայի քսանվեց կանտոններից միայն երեքում է բնակչության մեծամասնությունը դեմ եղել նման օրենքի ընդունմանը:
Որպես պատժի միջոց նախատեսվում է ինչպես տուգանք, այնպես էլ առավելագույնը երեք տարի ժամկետով ազատազրկում:
2018 թվականի վերջին երկրի խորհրդարանը հավանություն է տվել ոչ ավանդական սեռական կողմնորոշմամբ անձանց նկատմամբ խտրականության դեմ գործող օրենքի ընդլայնմանը: Նախկինում խոսքը միայն ռասայական խտրականությունից պաշտպանման մասին էր: Ընդլայնմանը դեմ հանդես եկող մարդիկ կարծում էին, որ դա խախտելու է խոսքի ազատության սկզբունքը և ազգային հանրաքվեի համար անհրաժեշտ 50 000 ստորագրություն էին հավաքել:
Նմանատիպ օրենքներ գործում են Եվրամիության շատ երկրներում: Reuters գործակալության պարզաբանմամբ` Շվեյցարիայի բնակչությունը երկրների համեմատ առավել պահպանողական է:
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Գազայում ավելի քան 1500 հիվանդ է մահացել՝ բուժման հասանելիության սահմանափակումների պատճառով
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք
Ջերմաստիճանը կբարձրանա
Գյումրիում Արթուր Ալեքսանյանի անվան մարզահամալիրի շինարարական աշխատանքը մտել է ակտիվ փուլ․ կնքվել է ...
Մատենադարանում հուլիսի 22-24-ը կանցկացվի 3-րդ Հայագիտական միջազգային կոնգրեսը
Խախտումներ՝ 102 մանկապարտեզից 82-ում․ նոր՝ խստացված սննդակարգի պահպանումը խոշորացույցի տակ է
Վարշավան գաղտնազերծել է 2022 թվականից Ուկրաինա ուղարկված սպառազինության ծավալները
Թրամփը կրկին հայտարարել է, որ ԱՄՆ-ն պետք է իր վերահսկողության տակ վերցնի Գրենլանդիան
Օպերատիվ իրավիճակը հանրապետությունում հուլիսի 7-ից-8-ը