Ռուսաստանի վարչապետն առաջարկել է բժշկական դիմակների պաշար ստեղծել՝ երկրում կորոնավիրուսի հնարավոր տարածման դեպքում պաշտպանվելու համար
ՌԴ վարչապետ Միխայիլ Միշուստինը հանձնարարել է բժշկական դիմակների ռազմավարական պաշար ստեղծել՝ Ռուսաստանում նոր տեսակի կորոնավիրուսի հնարավոր տարածման համար: Ինչպես հայտնում է Известия-ն՝ այս մասին պարզ է դառնում կառավարության ղեկավարի և իր տեղակալների միջև օպերատիվ խորհրդակցության արձանագրությունից:
Մասնավորապես, «Ռոսպոտրեբնադզոր» դաշնային ծառայության առջև առաջադրանք կա՝ հաշվարկել, թե անձնական պաշտպանության ինչ քանակի միջոցներ անհրաժեշտ կլինեն, իսկ Պետական պաշարների դաշնային գործակալությանը, Ֆինանսների նախարարությանը և Արդյունաբերության և առևտրի նախարարությանը հանձնարարվել է կառավարություն ներկայացնել համատեղ առաջարկներ:
Պետական պաշարների դաշնային գործակալությունում հաստատել են, որ նման առաջարկ են ստացել, և այժմ այդ ուղղությամբ աշխատանքներ են տանում: Գործակալության զրուցակիցը պարզաբանել է, որ ներկա պահին պետական նյութական ռեզերվում դիմակների պաշար չկա, սակայն իրապես ծրագրվում է այն ստեղծել՝ անկախ կորոնավիրուսի տարածումից:
«Դիմակների ռազմավարական պաշար ստեղծելը միանգամայն խելամիտ նախաձեռնություն է»,- հայտնել է Պետդումայի առողջապահության հանձնաժողովի անդամ Բորիս Մենդելևիչը, սակայն ընդգծել է, որ այնուամենայնիվ դիմակների կրումը վիրուսից 100 % պաշտպանություն չի ապահովում:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը