Անբարենպաստ եղանակի պատճառով հետաձգվել են «Մանչեսթեր Սիթիի» եւ «Բորուսիայի» մասնակցությամբ խաղերը

Անգլիայում եւ Գերմանիայում անբարենպաստ եղանակային պայմանների պատճառով փետրվարի 9-ին հետաձգվել է երկու հանդիպում։

Անգլիայի առաջնության «Մանչեսթեր Սիթի» - «Վեստ Հեմ» հանդիպումը «Սիարա» մրրիկի պատճառով տեղափոխվել է, հայտնում է ակումբի մամուլի ծառայությունը։ Անցկացման նոր ժամկետի մասին որոշում դեռ չկա։

Գերմանիայի առաջնությունում փետրվարի 9-ին տեղի չի ունենա 21-րդ տուրի «Բորուսիա Մյոնխենգլադբախ» - «Քյոլն» հանդիպումը։ Ակումբի մամուլի ծառայությունը հայտնում է, որ Մյոնխենգլադբախի քաղաքային իշխանության հետ խորհրդակցելուց եւ եղանակի տեսության ուսումնասիրությունից հետո որոշել են ռիսկի չդիմել եւ երկրպագուների անվտանգության երաշխիքներ չունենալու պատճառով տեղափոխել հանդիպումը։