Պուտինն ու Լուկաշենկոն հոկեյ խաղալու համար ընդհատել են բանակցությունները (տեսանյութ)

ՌԴ նախագահ Վլադիմիր Պուտինը և Բելառուսի նախագահ Ալեքսանդր Լուկաշենկոն ընդհատել են բանակցությունները Սոչիում` հոկեյ խաղալու համար: Այս մասին տեղեկացնում է interfax.ru կայքը:

Պուտինը սովորության համաձայն դաշտ է դուրս եկել 11 համարով, Իսկ Լուկաշենկոն` 1: Բելառուսի նախագահն ավելի շուտ է սառցադաշտ դուրս եկել, քան իր ռուս գործընկերները և մի քանի նետումներ է կատարել լրագրողների ուղղությամբ:

Երկրորդ խաղափուլի ընթացքում խաղը դիտելու է եկել ՌԴ անվտանգության խորհրդի փոխնախագահ Դմիտրի Մեդվեդևը: Խաղի ընթացքում մի պահ երկու նախագահները փոխարինվել են և միացել Մեդվեդևին: Մեդվեդևը ջերմ ողջունել է Բելառուսի նախագահին, և նրանք մի քանի րոպե զրույց են ունեցել:

Լուկաշենկոն և Պուտինը խաղացել են նույն թիմի կազմում: Թիմի կազմում ընդգրկվել են նաև երկու երկրների հատուկ ծառայությունների աշխատակիցները: Խաղը ավարտվել է 13:4 հաշվով` հօգուտ նախագահների թիմի: