Կարելիայի տրանսպորտի նախարարը կալանավորվել է կաշառք վերցնելու կասկածանքով

Կարելիայի ճանապարհային տնտեսության, տրանսպորտի եւ կապի նախարար Ալեքսեյ Կայդալովը կաշառք վերցնելու կասկածանքով կալանավորվել է, հայտնում է ՏԱՍՍ-ը։

Բացի այդ, ՌԴ ՔԿ շրջանային վարչության տվյալներով՝ կալանավորվել է նաեւ «Պետրոզավոդսկ» օդանավակայանի կառուցապատման տնօրենի տեղակալը։

Առաջիկայում քննիչները կորոշեն կասկածյալների ազատազրկման հարցը։

Հաստատության տվյալներով՝ երկու կասկածյալները մի ընկերությունից առնվազն 800 000 ռուբլի կաշառք են ստացել։ Այդ գումարի համար նրանք պետք է նպաստեին օդանավակայանի տարածքում կառուցապատման աշխատանքներ իրականացնելու պայմանագրի կնքմանը, ինչպես նաեւ աշխատանքի անխոչընդոտ ընդունմանը։

Կայդալովը նշված նախարարության ղեկավար է նշանակվել 2018թ․։ Մինչ այդ նա զբաղեցրել է Նենեցական ինքնավար մարզի նահանգապետի տեղակալի պաշտոնը։ Նախարարի պաշտոնում նրա նշանակման ժամանակ կառավարությունում ՏԱՍՍ-ին տեղեկացրել են, որ նշանակվել է փորձառու մարդ, որը կարգի կբերի ճանապարհային ոլորտը։ 2017թ․ դրությամբ Կարելիայի ճանապարհների 70 տոկոսը չէր համապատասխանում նորմատիվային պահանջներին։