Բեքհեմը մտադիր է Գրիզմանին համոզել տեղափոխվել Ինտեր Մայամի

«Բարսելոնայի» հարձակվող Անտուան Գրիզմանը կարիերան կարող է շարունակել MLS-ում, հայտնում է L’Equipe-ը:

Աղբյուրի փոխանցմամբ, ֆրանսիացի ֆուտբոլիստի ծառայություններով հետաքրքրված է «Ինտեր Մայամին», որի սեփականատերերից մեկը Անգլիայի հավաքականի, «Մանչեսթեր Յունայթեդի» և «Ռեալի» նախկին ֆուտբոլիստ Դևիդ Բեքհեմն է:

Անգլիացին մտադիր է համոզել Գրիզմանին տեղափոխվել իր թիմ ու պատրաստ է տպավորիչ առաջարկ անել կատալոնական ակումբից, որպեսզի տրանսֆերը կայանա:

Ընթացիկ մրցաշրջանում Գրիզմանն իսպանական Պրիմերայի 20 հանդիպման է մասնակցել, որոնցում դարձել է 7 գոլի և 5 գոլային փոխանցման հեղինակ:

Հիշեցնենք՝ «Ինտեր Մայամին» հաջորդ տարի իր նորամուտը կնշի MLS-ում: Ֆլորիդան ներկայացնող ակումբն MLS-ի կանոնավոր առաջնության շրջանակում իր առաջին հանդիպումը կանցկացնի տնային մարզադաշտում 2020 թվականի մարտի 14-ին: