Իրանում ուղևորատար ինքնաթիռը դուրս է եկել թռիչքուղուց և արտակարգ վայրէջք կատարել օդանավակայանի մերձակա փողոցում (լուսանկարներ, տեսանյութ)

Իրանական Մահշեհր քաղաքում 150 ուղևորով օդանավը, դուրս գալով թռիչքուղուց, արտակարգ վայրէջք է կատարել օդանավակայանի հարևան փողոցի վրա, հայտնում է Daily Mail պարբերականը:

Թեհրանից երկրի հարավային մասում գտնվող Մահշար մեկնող Caspian Airlines իրանական ավիաընկերութանը պատկանող ինքնաթիռը վայրէջք է կատարել 09:30-ին (Երևանի ժամանակով` 10:00-ին): Ընդամենը վայրկյանների և մետրերի տարբերությամբ է հնարավոր եղել խուսափել մեծ ողբերգությունից, քանի որ փողոցի վրա, որտեղ ինքնաթիռն է վայրէջք կատարել, բնակեցված հաստատություններ ու տներ են եղել:

Իրանական լրատվամիջոցների տեղեկությունների համաձայն` հայտնի չէ` օդանավի անիվային համակարգը բացվել է և հետո է ավիրվել գետնի հետ բախման հետևանքով, թե այն ի սկզբանե չի աշխատել:

Տեղեկությունների համաձայն` արտակարգ վայրէջքի հետևանքով մահացության դեպքեր կամ վիրավորներ չկան:

Տարածաշրջանի օդանավակայանի տնօրենի խոսքով` բոլոր ուղևորներն ապահով դուրս են բերվել օդանավից: Դեպի առիթով սկսվել է հետաքննություն: