Իրանցի պատգամավորը Թրամփի գլխի համար 3 մլն դոլար է խոստացել
Իրանցի պատգամավոր Ահմադ Համզեն առաջարկել է ԱՄՆ նախագահ Դոնալդ Թրամփի գլխի համար 3 մլն դոլար վճարել, հաղորդում է ՌԻԱ Նովոստին՝ հղում անելով ISNA գործակալությանը:
«Քերման նահանգի բնակչության անունից 3 մլն դոլար կվճարենք նրան, ով կսպանի Թրամփին եւ մեզ կհանձնի նրա գլուխը»,- ասել է նա խորհրդարանում ելույթի ժամանակ:
Քերման նահանգը ամերիկացիների կողմից սպանված իրանցի գեներալ Ղասեմ Սոլեյմանիի հայրենիքն է:
Վերջին շաբաթների ընթացքում Մերձավոր Արեւելքում իրավիճակը կտրուկ սրվել է: Իրաքում ԱՄՆ դեսպանատան մոտ բողոքի ակցիաների հետո ամերիկացի զինվորականները սպանել են Սոլեյմանիին, որն այդ ժամանակ գտնվում էր Իրաքում:
Իրանը դրան պատասխանել է Իրաքում ամերիկյան բազաների ուղղությամբ հարվածներով, որոնց հետեւանքով ոչ ոք չի տուժել: Սակայն ավելի ուշ իրանցի զինվորականները սխալմամբ խոցել են Ուկրաինայի միջազգային ավիաուղիներին պատկանող ինքնաթիռը, որը Թեհրանից Կիեւ էր մեկնում: Զոհվել է 176 մարդ:
Զինծառայողների խոսքով՝ ինքնաթիռը խոցվել է, քանի որ այն կարեւոր ռազմական օբյեկտին մոտ է թռել եւ ընդունվել է որպես թշնամու թեւավոր հրթիռ: Իրանում նշել են, որ ԱՄՆ-ի կողմից հարձակման են սպասել, ինչի պատճառով երկրի ՀՕՊ համակարգերը լրիվ մարտական պատրաստվածության են բերվել:
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»