Քադիրովը հայտարարել է, որ իրեն ոչ ոք պաշտոն չի առաջարկել երկրից դուրս
Չեչնիայի ղեկավար Ռամզան Քադիրովը Գրոզնիում երկուշաբթի կայացած խորհրդակցության ժամանակ հայտարարել է, որ իրեն ոչ ոք պաշտոններ չի առաջարկել հանրապետությունից դուրս:
«Ես հետաքրքրված չեմ որևէ պաշտոնով Չեչնիայի Հանրապետությունից դուրս, և ոչ ոք ինձ դա չի առաջարկել, և ես նման առաջարկի համար առիթ չեմ տվել: Ես ուզում եմ կարիերաս ավարտել իմ հանրապետությունում»,- ТАСС գործակալության փոխանցմամբ՝ ասել է Քադիրովը:
Ավելի վաղ հայտնի էր դարձել, որ Քադիրովը բուժում է ստանում և ժամանակավորապես երկրի ղեկավարի պարտականությունները փոխանցել է Չեչնիայի վարչապետին: Այս լուրի ֆոնին ԶԼՄ-ներում տեղեկություն էր հայտնվել, որ նրան կարող են բարձր պաշտոն առաջարկել Չեչնիայից դուրս:
Քադիրովը կոչ է արել ասեկոսեներ չտարածել և ընդգծել է, որ ապագայում՝ Չեչնիայի ղեկավարի պաշտոնից հեռանալուց հետո, իրեն տեսնում է Չեչնիայի ղեկավարին կից գործող Վետերանների խորհրդում: 43-ամյա գործիչը Չեչնիայի ղեկավարի պաշտոնը զբաղեցնում է 2007 թվականից:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սիթի ՍՊ ընկերության մի քանի աղցանի արտադրությունը կասեցվել է
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել