Ուղղաթիռից խոզ են նետել միլիոնատիրոջ լողավազանի մեջ (լուսանկարներ, տեսանյութ)
Ուրուգվայի Պունտա դել Էստե քաղաքում ուղղաթիռից խոզ են նետել անշարժ գույքի ոլորտի ձեռնարկատեր Ֆեդերիկո Ալվարես Կաստիլոյի առանձնատան լողավազանի մեջ, որի տեսանյութը հրապարակել է Daily Mail պարբերականը:
Կադրերում երևում է, թե ինչպես է արգենտինացի միլիոնատիրոջ առանձնատան վրայով անցնող ուղղաթիռից խոզ ընկնում լողավազանի մեջ: Ձեռնարկատիրոջ կինը՝ մոդել Լարա Բերնասկոնին, տեղական մամուլին հայտնել է, թե տարածքում գառ է ընկել:
Համացանցի օգտատերերը նկատել են, որ ոչ թե գառ, այլ խոզ է ընկել: Համացանցում լայն տարածում գտած տեսանյութը մեկնաբանողները Կաստիլոյին են մեղադրել տեղի ունեցածի համար: Ոմանք ենթադրել են, որ նա է՛լ ավելի ճանաչված լինելու համար հատուկ է նման բան կազմակերպել:
Չորեքշաբթի` հունվարի 15-ին, Կաստիլոն Instagram սոցկայքի իր էջում հերքել է այդ լուրերը:
«Ես ոչ մի կապ չունեմ վանդալիզմի հետ, որից տուժել են իմ ընտանիքի անդամները: Մենք տանն էինք, երբ դեպքը տեղի ունեցավ: Այգուց աղմուկ լսեցինք, դուրս եկանք տեսնելու, թե ինչ է պատահել և այդ զզվելի պատկերին ականատես եղանք: Այս չար կատակն իսկապես վշտացրեց մեզ»,-պատմել է գործարարը:
Ենթադրվում է, որ ուղղաթիռից նետել են արդեն սատկած կենդանու: Հայտնի չէ` Կաստիլոն հետաքննության համար զանգահարել է ոստիկանություն, թե ոչ:
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Մոռացված աստվածների զոհը. Գերմանիայում գտել են տղամարդու աճյուն՝ դաժան ծեսի հետքերով
Դարվինի հանելուկը, որի շուրջ 160 տարի գլուխ էին կոտրում, վերջապես պատասխան ստացավ
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում