Ո՞վ է ՌԴ նոր վարչապետը. նա մի քանի ամիս առաջ Երեւանում էր (Լուսանկարներ)

«Պահանջկոտ է իր եւ ենթակաների հանդեպ». ո՞վ է Միխայիլ Միշուստինը, որը զբաղեցնելու է ՌԴ վարչապետի պաշտոնը: Հունվարի 15-ին ՌԴ արդեն նախկին վարչապետ Դմիտրի Մեդվեդեւը հայտարարեց կառավարության հրաժարականի մասին, երբ ՌԴ նախագահ Վլադիմիր Պուտինն առաջարկեց փոփոխություններ անել Սահմանադրությունում: Վարչապետի պաշտոնում Պուտինը տեսնում է Դաշնային հարկային ծառայության ղեկավար Միխայիլ Միշուստինին:

IBM-ի փոխնախագահ Ջոն Սոյրինգը եւ Միջազգային համակարգչային ակումբի նախագահ Միխայիլ Միշուստինը համակարգիչների 7-րդ համաժողովում (1996թ.)

Միխայիլ Միշուստինը 53 տարեկան է, ծնվել է ՌԴ մայրաքաղաքում, սովորել Մոսկվայի պետական տեխնոլոգիական համալսարանում: Մասնագիտությամբ ճարտարագետ-համակարգատեխնիկ է: 1990-ականների մեծ մասը նա անցկացրել է Միջազգային համակարգչային ակումբում: 1996-ից ղեկավարել է այս ակումբը:

Մոսկվայի քաղաքապետ Յուրի Լուժկովը եւ ՌԴ հարկերի եւ տուրքերի փոխնախարար Միխայիլ Միշուստինը (2003թ)

Պետծառայության Միշուստինն անցել է 1998 թվականից՝ մուտք գործելով հարկային մարմիններ: Սկզբում նա Պետական հարկային ծառայության պետի օգնականն էր, ապա նրա տեղակալը: Այս պաշտոնում նա մնաց մինչեւ 2004 թվականը:

Առաջին փոխվարչապետ Դմիտրի Մեդվեդեւը եւ Ռոսնեդվիժոմոստի ղեկավար Միշուստինը Ինֆոկոմ 2006 ցուցահանդեսի ժամանակ (2006թ.)

Մինչեւ 2006թ. Միխայիլ Միշուստինը ղեկավարում էր Ռուսաստանի Կադասրի պետական կոմիտեն՝ Ռսնեդվիժոմոստը, իսկ մինչեւ 2008-ը Ռուսաստանի հատուկ տնտեսական տարածքները:

2000-ականների վերջերին Միշուստինը զբաղվում էր ներդրումային բիզնեսով: Մինչ

2010-ը UFG Capital Partners ընկեռրության նախագահն էր եւ UFG Asset Management-ի գործընկեր-ղեկավարը:

Միշուստինը մեծ սպորտի սիրահար է: Զբաղվում է պրոֆեսիոնալ լողով, խաղում է տափողակով հոկեյ: 

Դաշնային հարկային ծառայությունը Միշուստինը սկսել է գլխավորել 2010-ին եւ մինչ օրս ղեկավարել է այդ կառույցը, գրանցելով տպավորիչ արդյունքներ:

Ընդամենը մի քանի ամիս առաջ Միխայիլ Միշուստինը Երեւանում մասնակցում էր WCIT-2019 համաժողովին, ինչպես նաեւ այցելեց «Այբ» մասնավոր դպրոցը: Նրան այդ ժամանակ ուղեկցում էր դպրոցի հովանավորներից մեկը՝ «Comedy Production»-ի հիմնադիր Արթուր Ջանիբեկյանը, որի հետ նա բավական մտերիմ հարաբերություններ ունի:

Ինովացիոն տեխնոլոգիաների սիրահար Միխայիլ Միշուտինը չի թաքցրել, որ հետաքրքրվում է այս ոլորտում դպրոցի գրանցած հաջողություններով:

Top-News.am