Եվրոպական միությունը մտադիր է իր բյուջեի քառորդ մասը տրամադրել կլիմայի փոփոխության դեմ պայքարին
Եվրոպական միությունը մտադիր է իր բյուջեի քառորդ մասը տրամադրել կլիմայի փոփոխության դեմ պայքարին եւ նպաստել 1 տրիլիոն եվրոյի ներդրմանը՝ հաջորդ 10 տարիների ընթացքում տնտեսությունը էկոլոգիապես ավելի մաքուր դարձնելու համար, հայտնում է AP-ը։
Եվրոպական ներդրումային ծրագիրը կֆինանսավորվի ԵՄ բյուջեից եւ մասնավոր հատվածից։ Այն ուղղված է Եվրահանձնաժողովի ղեկավար Ուրսուլա Ֆոն Դեր Լայենի «Կանաչ համաձայնագրի» իրականացմանը, որպեսզի մինչեւ 2050թ․ ԵՄ-ն աշխարհում առաջին ածխածնային-չեզոք մայրցամաքը դառնա։
Ծրագիրը ներառում է մեխանիզմ, որը կոչված է օգնել տարածաշրջաններին, որոնք տնտեսական առումով առավել շատ կտուժեն ավելի մաքուր ոլորտների անցնելիս։
Ֆոն Դեր Լայենը, որը պաշտոնը ստանձնել է դեկտեմբերին, կլիմայի փոփոխության դեմ պայքարն առաջնայնություն է դարձրել։
ԵՀ-ն հայտնել է, որ ներդրումների կեսը կարվի ԵՄ բյուջեից։ Ազգային կառավարությունները 100 մլրդ եվրո կներդնեն, իսկ մասնավոր հատվածը՝ 300 մլրդ եվրո։ Եւս 7,5 մլրդ եվրո ԵՄ բյուջեից 2021-2027թթ․ նախատեսված է սկզբնական ֆինանսավորման համար՝ ավելի լայն մեխանիզմի շրջանակներում, որը, ինչպես ակնկալվում է, կբերի եւս 100 մլրդ եվրո ներդրում։
Այս փողերը կոչված են համոզել ածխից կախված երկրներին, ինչպիսին է Լեհաստանը, ընդունել «Կանաչ համաձայնագիրը»՝ օգնելով նրանց հաղթահարել ֆինանսական եւ սոցիալական դժվարությունները, որոնք կապված են արդյունահանվող վառելիքից հրաժարվելու հետ։
Հանձնաժողովի գնահատականներով՝ մինչեւ 2030թ․ կլիմայական ձեռքբերումները, որոնք ներառում են ջերմոցային գազերի արտանետումների 40 տոկոսով կրճատում՝ համեմատած 1990թ․ հետ, տարեկան լրացուցիչ 260 մլն եվրո կնստեն։
Ֆինանսական աջակցության հավակնելու համար անդամ-պետությունները պետք է ներկայացնեն իրենց տնտեսության վերակազմավորման պլաններ՝ արտանետումների ցածր մակարդակով նախագծերի մանրամասն նկարագրությամբ։ Ծրագրերը պետք է հավանության արժանանան Եվրահանձնաժողովի կողմից։
Նախագծերը, ներառյալ միջուկային էներգետիկան, չեն ունենա ֆինանսավորման իրավունք, բացառությամբ նրանց, որոնք կապված են միջուկային հետազոտությունների եւ կադրերի պատրաստման «Եվրատոմ» ծրագրի հետ։
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Ջերմաստիճանը կբարձրանա
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք
Գազայում ավելի քան 1500 հիվանդ է մահացել՝ բուժման հասանելիության սահմանափակումների պատճառով
Գյումրիում Արթուր Ալեքսանյանի անվան մարզահամալիրի շինարարական աշխատանքը մտել է ակտիվ փուլ․ կնքվել է ...
Վարշավան գաղտնազերծել է 2022 թվականից Ուկրաինա ուղարկված սպառազինության ծավալները
Թրամփը կրկին հայտարարել է, որ ԱՄՆ-ն պետք է իր վերահսկողության տակ վերցնի Գրենլանդիան
Խախտումներ՝ 102 մանկապարտեզից 82-ում․ նոր՝ խստացված սննդակարգի պահպանումը խոշորացույցի տակ է
Մատենադարանում հուլիսի 22-24-ը կանցկացվի 3-րդ Հայագիտական միջազգային կոնգրեսը
Օպերատիվ իրավիճակը հանրապետությունում հուլիսի 7-ից-8-ը