Թեհրանում հակակառավարական ցույցերի ֆոնին ձերբակալել են Մեծ Բրիտանիայի դեսպանին, ապա ազատ արձակել
Թեհրանում հակակառավարական ցույցերի ժամանակ ձերբակալվել է Իրանում Մեծ Բրիտանիայի դեսպան Ռոբ Մաքերը: Ինչպես փոխանցում է The Guardian-ը, այս մասին հայտնել է Միացյալ Թագավորության արտաքին հարցերով նախարար Դոմինիկ Ռաաբը:
Նախարարի խոսքով՝ դեսպանին ձերբակալել են առանց որևէ բացատրության, ինչը նա բնորոշել է որպես միջազգային իրավունքի «կոպիտ խախտում»: Նա ասել է, որ Թեհրանը գտնվում է քաղաքական և տնտեսական շարունակական մեկուսացման ճանապարհին, եթե դիվանագիտական հարաբերություններ չսկսի Արևմուտքի հետ:
Բրիտանացի գործիչը հայտնել է, որ Մաքերը «ապահով և լավ է» բրիտանական դեսպանատանը: Վերջինիս բաց են թողել մեկ ժամ կալանքի տակ պահելուց հետո: Նրա ձերբակալությունը տեղի է ունեցել երկրում բռնկված հակակառավարական ցույցերի ֆոնին:
Հիշեցնենք, որ Թեհրանում նախօրեին հակակառավարական ցույցեր են մեկնարկել. ցուցարարները պահանջում էին երկրի գերագույն առաջնորդ, այաթոլլա Ալի Խամենեիի հրաժարականը: Իրանցիների այս պահանջը պայմանավորված է հունվարի 8-ին տեղի ունեցած ավիավթարով, որի հետևանքով 176 մարդ էր զոհվել:
Իրանի իշխանությունները նախօրեին խոստովանել էին, որ «Ուկրաինական ավիաուղիներին» պատկանող ինքնաթիռը սխալմամբ խոցվել է իրանական հրթիռով:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սիթի ՍՊ ընկերության մի քանի աղցանի արտադրությունը կասեցվել է
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել