Զելենսկին եւ Մակրոնը պայմանավորվել են ֆրանսիացի մասնագետներ ներգրավել խփված ինքնաթիռի «սեւ արկղերի» գաղտնազերծմանը
Ուկրաինայի նախագահ Վլադիմիր Զելենսկին եւ Ֆրանսիայի նախագահ Էմանուել Մակրոնը շաբաթ օրը հեռախոսազրույցում պայմանավորվել են Իրանում խփված ուկրաինական ինքնաթիռի «սեւ արկղերի» գաղտնազերծմանը ներգրավել ֆրանսիացի մասնագետների, տեղեկացնում է 112.ua-ն՝ հղում կատարելով Ուկրաինայի նախագահի գրասենյակին։
«Պետությունների ղեկավարները պայմանավորվել են ֆրանսիացի մասնագետներ ներգրավել խփված ինքնաթիռի «սեւ արկղերի» գաղտնազերծման գործում»,- տեղեկացնումէ մամուլի ծառայությունը։
Մակրոնը խոստացել է նպաստել աղետի համակողմանի հետաքննությանը եւ մեղավորներին պատասխանատվության ենթարկելուն։
Նա տեղեկացրել է, որ Ֆրանսիան արդեն սկսել է Քաղավիացիայի Միջազգային կազմակերպությունում (ԻԿԱՕ) համապատասխան միջազգային հետաքննության ընթացակարգը։
Զելենսկին, իր հերթին, շնորհակալություն է հայտնել ֆրանսիացի պաշտոնակցին ինքնաթիռի աղետի առնչությամբ հնչած ցավակցությունների համար։
«Ձեր պետության աջակցությունը շատ կարեւոր է մեզ համար այս ողբերգական պահին։ Շնորհակալ եմ Ֆրանսիայի պատրաստակամության համար՝ օգնելու հետաքննության անցկացմանը»,- նշել է նա։
Կողմերը նաեւ նշել են, որ ճշմարտության այսքան արագ բացահայտումը Իրանում ուկրաինական փորձագիտական խմբի հստակ աշխատանքի եւ միջազգային գործընկերների համախմբված աջակցության արդյունքն է։
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
ՀՀ ԱԺ ութերորդ գումարման տասնմեկերորդ նստաշրջանի հերթական նիստ