Հրապարակվել է Վլադիմիր Զելենսկու եկամուտների հայտարարագիրը

Ուկրաինայի կոռուպցիայի դեմ պայքարի ազգային գործակալությունը հայտարարագիր է հրապարակել, որի համաձայն երկրի ղեկավար Վլադիմիր Զելենսկին ավելի քան 210 000 դոլար եկամուտ է հայտարարագրել, որը ստացվում է Квартал 95 ստուդիայից:

Ինչպես ներկայացնում է Gazeta.ru-ն, փաստաթղթում նշվում է, որ Ուկրաինայի նախագահը 2019-ի դեկտեմբերի վերջին 4.8 մլն գրիվնայի ($205,900) չափով հոնորար է ստացել Квартал 95 ստուդիայից, ինչպես նաև 104 000 գրիվնա ($4 300) փոխհատուցում ապրանքանշանի օգտագործման համար:

Квартал 95 ստուդիան զբաղվում է ֆիլմերի, սերիալների և երգիծական հաղորդումների արտադրությամբ: Ստուդիայի համահիմնադիրն է Զելենսկին, որն ավելի վաղ հայտարարել էր, որ դուրս է եկել բիզնեսից:

Բաժանորդագրվեք Top-News.am-ին Telegram-ում