Սանտա Կլաուսը զայրացել է եւ ջարդուփշուր արել ստուդիան՝ հեռուստաշոուի նկարահանումների ժամանակ (տեսանյութ)
YouTube-ում «Շատ ուշ շոու Ջեյմս Քորդենի հետ» հաղորդումից հատված է հրապարակվել, որում Սանտա Կլաուսը ջարդուփշուր է անում ստուդիան՝ անմիջապես նկարահանումների ժամանակ:
Կադրերում երևում է, թե ինչպես է հաղորդավարը ողջունում ծրագրի հանդիսատեսին, երբ հանկարծ նրա ելույթը ընդհատում է անսպասելի հյուրը, որն, ավելի ուշ պարզվում է, կոմիկ Յան Կարմելն էր:
«Սանտա, ի՞նչ ես անում այստեղ»,- հետաքրքրվում է Քորդենը:
«Ես պարզապես եկել եմ ձեզ շնորհավորելու Սուրբ Ծննդյան տոների կապակցությամբ և նվերներ հանձնելու հանդիսատեսին»,- պատասխանում է դերասանը և սկսում սառնաշաքար բաժանել:
«Սանտա,- ընդհատում է նրան հաղորդավարը,- Հնարավոր չէ՞ մի փոքր արագացնել այդ գործընթացը, մենք դեռ պետք է ավարտենք հաղորդման նկարահանումները, շատ քիչ ժամանակ ունենք, և հետո, Սուրբ Ծնունդը դեռ առջևում է»:
Սանտան շատ է նեղվում, վերցնում է իր պարկը և պատրաստվում է հեռանալ:
Սակայն, այդ պահին, հաղորդավարն ասում է, որ ինքն էլ է սառնաշաքար ուզում, ինչը զայրացնում է Սանտային:
«Ուրեմն հիմա մենք ժամանակ ունե՞նք նվերների համար: Դե ուրեմն ստացի՛ր»,- բղավում է նա և դեն նետում մոտակայքում գտնվող ադիբուդիի տուփը:
Դրանից հետո զայրացած Սանտա Կլաուսը շուռ է տալիս կաշվե բազկաթոռները, ջարդում հեռուստացույցը և զարդարված տոնածառները, իսկ երբ հանդարտվում է, նստում է բազմոցին և սկսում ուտել մնացած ադիբուդին:
Դրվագը, իհարկե, նախատոնական կատակ էր, որը գնահատել են սոցցանցի օգտատերերը:
«Զայրացած Սանտան զվարճացրեց ինձ», «Այս Սանտան լավագույն աստղն է, որին Ջեյմսը կարող էր հրավիրել իր շոուին», «Չեմ կարողանում դադարեցնել ծիծաղս», գրել են նրանք մեկնաբանություններում:
Միայն այն, որ ես 73 տարեկան եմ, չի նշանակում, որ ես պետք է դադարեմ սեքսով զբաղվել
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
Թուրքիայում արագացրել են Հայաստանի հետ սահմանային անցակետի բացման աշխատանքները
Իրաքը Սիրիայի բանտերից ընդունել է ավելի քան 2,2 հազար «Իսլամական պետություն» խմբավորման կողմնակիցներ...