3-ամյա աղջիկը քարով քերծել է Audi-ի ավտոսրահի 10 նոր ավտոմեքենա

Չինաստանի Գույլին քաղաքում փոքրիկ աղջիկը քարով քերծել է Audi-ի ավտոսրահում գտնվող 10 նոր ավտոմեքենա, մինչ ծնողները մեքենա էին ընտրում և չէին հետևում երեխային: Այս մասին տեղեկացնում է korrespondent.net կայքը:

Ավտոսրահի մենեջերները 3-ամյա երեխայի հասցրած «գեղարվեստական» վնասը գնահատել են 200 000 յուան (մոտ 32 000 դոլար): Վնասվել են Q3 և Q8 մոդելի մեքենաները:

Ընտանիքը հրաժարվել է վճարել պահանջված գումարը, իսկ ընկերության աշխատակիցները դիմել են դատարան: Արդյունքում կողմերը համաձայնության են եկել, որ ընտանիքը պետք է 70 000 յուան վճարի (11 000 դոլարից մի փոքր ավելի):