Սիրիական կառավարական բանակը մի քանի գրոհներ է հետ մղել Իդլիբում և Հալեպում

Սիրիական բանակն օրվա առաջին կեսին մի շարք խմբավորումների գրոհայինների հարձակումներ է հետ մղել Իդլիբում և Հալեպում: Ինչպես հայտնում է ТАСС գործակալությունը՝ հղում անելով Սիրիայում հակամարտող կողմերի հաշտեցման կենտրոնին, մարտերի ժամանակ 3 զինծառայող է զոհվել, 25-ը վիրավորվել են:

Կենտրոնի տվյալներով՝ «Ջեբհաթ ան Նուսրա» և «Սիրիայի ազգային բանակ» խմբավորումների գրոհայինները հարձակումներ են նախաձեռնել Սիրիայի զինված ուժերի դիրքերի ուղղությամբ Իդլիբ նահանգում:

Հարձակմանը երկու տանկ և երեք հետևակային մարտական մեքենաներ են ներգրավված եղել: Բոլոր գրոհները հետ են մղվել:

Բացի այդ, առնվազն 30 գրոհայիններ 5 ամենագնացներով և գնդացիրներով Իդլիբի դեէսկալացիոն գոտու տարածքից գրոհել են կառավարական զորքերի դիրքերը Հալեպ նահանգում: