Թայլանդական մերսումը ներառվել է ՅՈՒՆԵՍԿՕ-ի ոչ նյութական մշակութային ժառանգության ցանկում
Ավանդական թայլանդական մերսումը ներառվել է ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում, նշված է կազմակերպության կոմյունիկեում, հաղորդում է ՌԻԱ Նովոստի-ն:
«Հինգշաբթի առավոտնյան նիստի ժամանակ ոչ նյութական մշակութային ժառանգության պահպանության միջկառավարական հանձնաժողովը ներառել է եւս 15 տարր մարդկության ոչ նյութական մշակութային ժառանգության ներկայացուցչական ցանկում»,-ասվում է կազմակերպության մամուլի հաղորդագրության մեջ:
Ավանդական թայլանդական մերսումը համարվում է ավանդական թայլանդական բժշկության գիտության եւ արվեստի մաս: «Որպես ոչ դեղորայքային միջոց եւ մանուալ թերապիա՝ այն ներառում է մարմնի հետ մանիպուլյացիաներ պացիենտի էներգիաները եւ մարմնի կառուցվածքը բալանսավորելու նպատակով այն հիվանդությունները բուժելու համար, որոնք ենթադրաբար առաջացել են «սեն»-ի (ուղիներ, որոնք անցնում են մարդու օրգանիզմում եւ փոխանցում կենսական էներգիայի հոսքերը) ուղղությամբ էներգիայի հոսքերի խցանմամբ: Մերսումը հիմնված է ինքնախնամքի հնագույն թայլանդական պրակտիկաների վրա: Մասնագետների փորձը հաղորդվել է սերնդեսերունդ՝ դառնալով գիտելիքների ֆորմալ համակարգ»,-նշվում է կոմյունիկեում:
ՅՈՒՆԵՍԿՕ-ի ոչ նյութական մշակութային ժառանգության ցանկում ներառված են նաեւ այլ տարրեր, այդ թվում՝ իռլանդական արֆե խաղի հմտությունները, սիլաթ՝ ինքնապաշտպական մարտարվեստը, կարավալը Պոդենսում (Պորտուգալիա):
Մենք միանգամայն արժանիորեն դուրս եկանք հաջորդ փուլ
Ակադեմիական քաղաքի տարածքում հայտնաբերվել է հնագույն բնակավայր
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Կարլոս Էսպին պայմանագիր է կնքել «Ռեալ Մադրիդի» հետ
Գանսուի թռչող ձին. չինական նահանգի հնագույն ժառանգություն
Աբու Դաբին կունենա համաշխարհային արվեստի նոր կենտրոն
Ուրումչիի մշակութային ուղին. Գրանդ բազար