Լիբիացի գեներալ Խալիֆա Հաֆթարը հայտարարել է Տրիպոլիի համար «վճռական մարտի» մասին
Լիբիական ազգային բանակի հրամանատար, գեներալ Խալիֆա Հաֆթարը հայտարարել է Տրիպոլիի համար «վճռական մարտի» մասին: Այս մասին տեղեկացնում է Reuters գործակալությունը:
«Այսօր մենք հայտարարում ենք վճռական մարտի և մայրաքաղաքի կենտրոն շարժվելու մասին, որպեսզի ազատենք այն»,- հայտարարել է Հաֆթարը:
Գեներալն իր հակառակորդներին խնդրել է մնալ իրենց տներում՝ այդպիսով նրանց լիովին անվտանգություն խոստանալով:
«Մենք կոչ ենք անում ստորաբաժանումներին, որոնք շարժվում են Տրիպոլիի ուղղությամբ, հետևել մարտական գործողություններ վարելու կանոններին»,-նշել է լիբիացի գեներալը:
Հաֆթարի հայտարարությունից հետո բանակը սկսել է ակտիվորեն հարձակումներ գործել Ֆաիզ Սարաջի գլխավորած Ազգային համաձայնության կառավարությանը հավատարիմ կազմավորումների վրա, հետ է մղել հակառակորդի դիրքերը երկրի գլխավոր քաղաքի ծայրամասերում և մտել է Տրիպոլի:
Հաֆթարի հայտարարությունից հետո արևմտյան երկրների դիվանագետները սկսել են լքել Լիբիայի մայրաքաղաքը:
Նշվում է, որ դիվանագիտական կորպուսի աշխատակիցներն ուղևորվում են երկրի արևմուտքում գտնվող Ջանզուրի շրջան, որպեսզի այնտեղից ծովային ճանապարհով լքեն Լիբիան:
Հաֆթարն ապրիլից սկսած հարձակումներ է կազմակերպում մայրաքաղաքի ուղղությամբ: Ըստ ՄԱԿ-ի տվյալների՝ գործողությունների մի քանի ամսում արդեն մահացել է 1000-ից ավելի մարդ:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սիթի ՍՊ ընկերության մի քանի աղցանի արտադրությունը կասեցվել է
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել