Գյուղից գյուղ դպրոց ուղարկելը բացառվում է. դպրոցների օպտիմալացման արդյունքում եզդի աղջիկներն անգրագետ կմնան
«Եզդիների ազգային միություն» ՀԿ նախագահ Ազիզ Թամոյանը դեմ է համայնքների խոշորացմանն ու դպրոցների օպտիմալացմանը: Այսօր` մայիսի 15-ին, լրագրողների հետ հանդիպման ժամանակ նա իր մտահոգությունն հայտնեց` նշելով, որ դպրոցների օպտիմալացումը հանգեցնելու է եզդիների` Հայաստանից հեռանալուն:
«Եզդիների համայնքը Հայաստանում մեծ է: Արագածոտնի մարզի մի քանի գյուղերում կոմպակտ ապրում են եզդիները, այսինքն, եթե համայնքները խոշորացվեն`ընդամենը մի հինգ դպրոց պետք է աշխատի, որի արդյունքում ուսուցիչները գործազուրկ են մնալու: Դա էլ հանգեցնելու է արտագաղթին: Մենք Հայաստանը մեր հայրենիքն ենք համարում, չենք ուզում հեռանալ»,-ասաց նա:
Բացի աշխատանքի խնդրից, Ազիզ Թամոյանը նաեւ նշեց, որ դպրոցների օպտիմալացման արդյունքում տուժում են եզդի ազջիկները. նրանց ծնողները աղջիկներին այլ գյուղ դպրոց չեն ուղարկի:
«Ընտանիքներն իրենց աղջիկներին շատ դժվար են ուղարկում դպրոց, բայց գյուղից գյուղ աղջիկներին դպրոց ուղարկելը բացառվում է, այսինքն` անգրագետ են մնալու երեխաները: Բացի այդ ձմռանը ճանապարհները փակվում են, երեխաներին ինչպես կարելի է ավտոբուսով դպրոց ուղարկել»,-ասաց նա:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ