Առանց էմոցիաների՝ համապատասխան ցուցանիշներ

Առանց էմոցիաների...

Վարչապետ Ն.Վ.Փաշինյանը ԱԺ ամբիոնից հայտարարեց, թե մեկ շնչին ընկնող ՀՆԱ (համախառն ներքին արդյունք, GDP, ВВП) ցուցանիշով Հայաստանը վերջին տասնամյակներում (!!??) միշտ եղել է վերջինը՝ Վրաստանի և Ադրբեջանի հետ համեամատած:

Խնդրեմ՝ համապատասխան ցուցանիշներ: Ցանկացողները կարող են ինքնուրույն էլ համեմատել, պեղել ու գտնել այդ ցուցանիշների հետ կապված այլ տվյալներ, այլ աղբյուրներից։

Հենց նույն Վրաստանի հետ համեմատած.
ՎՐԱՍՏԱՆԻ ցուցանիշները ՀԱՅԱՍՏԱՆԻ ցուցանիշները՝ 2003-2009թթ.
2003թ. -- 3746 $ 3505 $
2004թ. -- 4099 $ 3989 $
2005թ. -- 4656 $ 4725 $
2006թ. -- 5288 $ 5529 $
2007թ. -- 6137 $ 6479 $
2008թ. -- 6450 $ 7088 $
2009թ. -- 6292 $ 6152 $

Դժվար չէ նկատել, որ 2004-ին մեկ շնչին ընկնող ՀՆԱ-ի ցուցանիշով Հայաստանը հավասարվել է Վրաստանին, իսկ 2005-2008 թվականներին որոշակիորեն առաջ ենք անցել:
Նկատեմ, որ 2005-08 թվականները ներառվում են «վերջին տասնամյակներ» ասվածի մեջ:

Հա, մի բան էլ. Փաշինյանը հայտարարեց, որ 2020-ին այս ցուցանիշով առաջ ենք անցնելու Ադրբեջանից, դա նշանակում է 1 շնչի ընկնող ՀՆԱ-ի մեր ցուցանիշը առնվազն մեկուկես անգամ պիտի աճի: Բայց դրա մասին կարելի է հարց բարձրացնել 2021-ի հունվարին: Եթե, իհարկե, հարցը հասցեատեր ունենա:

Ցուցանիշների աղբյուրը, կրկնում եմ, ցանկացողները կարող են այլ աղբյուրներ նշել, բոլորն ազատ են ինքնուրույն իրենց փոքրիկ հետազոտությունն անելու հարցում: Ինչպես ասվում է՝ գուգըլն օգնական:

Արմեն Հակոբյանի ֆեյսբուքյան էջից