Կինը հրաժարվել է գաստրոշունտավորումից եւ ինքնուրույն 120 կգ նիհարել

Օկլահոմայից (ԱՄՆ) Քեթրին Շենքլինը հրաժարվել է գաստրոշունտավորումից, որից հետո ինքնուրուն 120 կգ նիհարել է: Ճիշտ է, նիհարելուց հետո նրա մարմնին մնացել է մեծ ծավալով ավելորդ մաշկ:

The Daily Mail-ը հայտնում է, որ Քեթրինը նախկինում կշռում էր 190 կգ: Նա մեծ դժվարությամբ էր կարողանում բարձրանալ աստիճանների մի քանի հարթակ եւ այդ ընթացքում շնչահեղձ չլինել, իսկ կշեռքի վրա ուղղակի վախենում էր կանգնել:

Մասնագետները նրան խորհուրդ են տվել գաստրոշունտավորում կատարել՝ արմատական վիրաբուժական վիրահատություն, որով փոքրացվում է ստամոքսի ծավալը: Այսպիսի վիրահատությունից հետո մարդը սկսում է ավելի քիչ ուտել, ինչը բերում է արմատական նիհարելուն:

Քեթրինը վիրահատությունից եւ հնարավոր բարդություններից վախենում էր, ուստի որոշել է ինքնուրույն նիհարել: Նրան հաջողվել է կարճ ժամանակում նիհարել ամբողջ 117 կգ-ով: Հիմա նրա քաշը նորմային մոտ է, իրավիճակը բարդացնում է միայն գրեթե 10 կգ ծավալով ավելորդ մաշկը:

Հիմա Քեթրինը ավելորդ մաշկի հեռացման վիրահատությանը սպասողների հերթում է: Նա խոստովանում է, որ այդ մաշկի պատճառով ինքն իր ամբողջ մարմնով զգում է երկրային ձգողականությունը՝ ասես իրեն տառացիորեն ճզմում են հողի մակերեւույթին, իսկ մաշկը տհաճորեն կախված է կողքերից եւ փորից: Քեթրինի խոսքով՝ ինքն իրեն չի կարողանա նորմալ զգալ, մինչեւ կերպարանափոխությունը մինչեւ վերջ չավարտվի: