«Յուվենտուսը» մտադիր է անվճար ձեռք բերել «Չելսիի» 2 հարձակվողի

Իտալիայի չեմպիոն Թուրինի «Յուվենտուսը» բանակցություններ է վարում Լոնդոնի «Չելսիի» հարձակվողներ Վիլիանի և Պեդրո Ռոդրիգեսի ներկայացուցիչների հետ, տեղեկացնում է Calciomercato-ն:

Աղբյուրի հաղորդմամբ՝ «Յուվենտուսը» մտադիր է ամառային տրանսֆերային պատուհանի ընթացքում անվճար ձեռք բերել 2 հարձակվողներին, որոնց պայմանագրի ժամկետը «Չելսիի» հետ նախատեսված է մինչև հունիս:

Ընթացիկ մրցաշրջանում 31-ամյա Վիլիանը «Չելսիի» կազմում մասնակցել է 12 հանդիպման՝ դառնալով 2 գոլի և 3 գոլային փոխանցման հեղինակ: 32-ամյա Պեդրո Ռոդրիգեսը 3 խաղում աչքի չի ընկել արդյունավետ գործողությամբ:

Ավելի վաղ «Չելսիի» գլխավոր մարզիչ Ֆրենկ Լեմպարդը հայտարարել էր, որ պատրաստվում է երիտասարդացնել «Չելսիի» կազմը: