Կույր տղամարդն իր ձեռքով տուն է կառուցել (տեսանյութ)
ՌԴ Ռյազանի մարզի բնակիչ, տեսողական խնդիրներ ունեցող Վլադիմիր Կրիսանովը 1-հարկանի տուն է կառուցել: Աշխատանքի ընթացքում նրա հիմնական օգնականներն են եղել ծեր մայրն ու ուղեկցող շունը: Այս մասին նա պատմել է ForumHouse յութուբյան ալիքին տված հարցազրույցի ընթացքում:
Տղամարդը տունը սկսել է կառուցել 2010 թվականից: Սկզբում ցանկացել է ամառային ծածկապատշգամբ կառուցել, սակայն այդ ընթացքում իր հիմնական տունն արդեն քանդվելիս է եղել: Գրեթե բոլոր նյութերը` տախտակները, պատուհանների շրջանակները և մնացածը Կրիսանովն աղբավայրից է հավաքել և օգտագործել է ամենասովորական գործիքները:
54-ամյա տղամարդու խոսքով` ամբողջ ընթացքում դժվարություններից մեկն այն է եղել, որ ի տարբերություն տեսնող մարդկանց, իր գործը շատ դանդաղ է առաջ գնացել: Երկընտրանքի առաջ է կանգնել. կա՛մ պետք է դանդաղ աշխատել, կա՛մ ոչինչ չանել:
«Իսկ շինարարներ վարձելու գումար չկար»,- ասել է Վլադիմիր Կրիսանովը:
Նա պատմել է, որ տունը կառուցելու ընթացքում ցանկացել է օգտվել պլաստիկ պատուհանների տեղադրմամբ զբաղվող ընկերության ծառայություններից, սակայն վերջինիս աշխատակիցները խաբելով վերցրել են 25 000 ռուսական ռուբլի և անհետացել: Այդ ժամանակ օգնության է հասել մեկ այլ ընկերություն, որը պատուհանները տեղադրել է անվճար:
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Մոռացված աստվածների զոհը. Գերմանիայում գտել են տղամարդու աճյուն՝ դաժան ծեսի հետքերով
Դարվինի հանելուկը, որի շուրջ 160 տարի գլուխ էին կոտրում, վերջապես պատասխան ստացավ
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում