«Մոսկվան պետք է դադարեցնի դեմոկրատիան խաթարելու գործելակերպը». Սալիվան

Ամերիկացի դիվանագետ Ջոն Սալիվանն, ով առաջիկայում պետք է ստանձնի Ռուսաստանում ԱՄՆ-ի դեսպանի պաշտոնը, Ճապոնիայում «Մեծ քսանի» երկրների արտգործնախարարների հավաքի շրջանակներում առանձնազրույց է ունեցել Ռուսաստանի արտաքին գերատեսչության ղեկավար Սերգեյ Լավրովի հետ:

Սալլիվանը Լավրովին ասել է, որ Վաշինգթոնը ցանկանում է բարելավել Մոսկվայի հետ հարաբերությունները, սակայն դրա համար անհրաժեշտ է, որ Ռուսաստանը «հրաժարվի դեմոկրատական գործընթացները խաթարելու գործելակերպից և հարգի Ուկրաինայում խաղաղություն հաստատելու հարցով ստանձնած պարտավորությունները»:

ԱՄՆ պետական դեպարտամենտի խոսնակ Մորգան Օրտագուսն ասել է, որ Սալիվանի և Լավրովի հանդիպումը տեղի է ունեցել Նագոյա քաղաքում: