Ռուսաստանում կարծում են, որ ԱՄՆ-ն կապված է Բոլիվիայի ներքին ճգնաժամի հետ

ՌԴ արտաքին հետախուզության ծառայության տնօրեն Սերգեյ Նարիշկինը հայտարարել է, որ Վաշինգտոնը կապված է Բոլիվիայում քաղաքական ճգնաժամի հետ, որ արդյունքում երկրի նախագահ Էվո Մորալեսը հրաժարական տվեց: Այս մասին տեղեկացնում է lenta.ru-ն:

Հետախուզական ծառայության տնօրենը համոզմունք է հայտնել նաև, որ լատինամերիկյան երկրում իրավիճակը մոտ ժամանակներս դեռ չի կայունանա: Նրա կարծիքով ԱՄՆ-ին այս ճգնաժամը պետք էր, որպեսզի փոխեր Բոլիվիայի քաղաքական վեկտորը:

Հիշեցնենք, որ Բոլիվիայի նախագահ Էվո Մորալեսը գրեթե 14 տարի իշխանության լինելուց հետո հրաժարական է տվել:

Դիտորդները բազմաթիվ խախտումներ էին հայտնաբերել հոկտեմբերին տեղի ունեցած նախագահական ընտրությունների ժամանակ, սակայն Մորալեսը հայտարարել է, որ ինքը հեղաշրջման զոհ է դարձել: Նա ասել է, որ հեռանում է, որպեսզի պաշտպանի քաղաքական դաշնակիցներին, որոնց տները հրդեհվել են բողոքի ակցիաների ժամանակ: