Կոնգրեսականները Պետդեպարտամենտին կոչ են անում պահել Հայաստանին և Ադրբեջանին տրվող ռազմական օգնության հավասար չափերը

ԱՄՆ կոնգրեսականներ Ֆրենկ Փալոնեն, Ջեքի Սփեյերը և Ադամ Շիֆը Պետդեպարտամենտին կոչ են արել պահպանել հավասարությունը Հայաստանին և Ադրբեջանին տրվող ռազմական օգնության չափերի միջև։ Այս մասին հայտնում է Ամերիկայի հայ ազգային կոմիտեն։

«Անկասկած, Ադրբեջանին անվտանգության ոլորտում հատկացվող օգնության մեծացումը անհավասարակշռություն է ստեղծում տարածաշրջանում և անտեսում է ԱՄՆ արտաքին քաղաքականության մեջ քսանամյա նախադեպը»,- նշվում է կոնգրեսականների հայտարարության մեջ։

Նրանք նաև կոչ են արել Հայաստանին ռազմական ուսուցում և սարքավորումներ տրամադրել հավասարությունը վերականգնելու համար։