Հենրիխ Մխիթարյան. Դաշտում փորձում եմ հրեշ լինել
Անգլիական «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանը խոսել է հոր` Համլետ Մխիթարյանի հետ նմանության, Բրազիլիայում անցկացրած փորձաշրջանի, ինչպես նաև դաշտում ագրեսիվ լինելու մասին:
«Էական չէ, թե ինչպիսի տաղանդով ես ծնվել: Ամենակարևորն այն օգտագործելն է և ջանք չխնայելը: Ուստի եթե ջանասիրաբար աշխատում ես, ապա տաղանդը միայն ուժ կտա քեզ: Եթե տաղանդավոր ես, սակայն ջանասիրաբար չես աշխատում, ապա չես դառնա ոչ մեկ:
Բավականին շատ որակներ եմ ժառանգել իմ հորից, սակայն կարծում եմ` նա ավելի արագ էր: Նա հուժկու հարվածների էր տիրապետում և գոլ խփելու բնազդային մասով շատ ուժեղ էր: Զգում եմ, որ տարբերվում ենք որպես ֆուտբոլիստներ: Մարդիկ նույնն են ասում, ուստի չեմ կարող համեմատել մեզ:
Սան Պաոլոյում անցկացրած ժամանակի ընթացքում բարելավեցի տեխնիկաս: Միանգամից դա չզգացի, սակայն տարվա ընթացքում հասկացա, որ այն ինձ շատ է օգնել: Շատ բան սովորեցի Բրազիլիայում լինելու և ուժեղ ֆուտբոլիստների հետ մարզվելու ժամանակ:
Դաշտում փորձում եմ այլ կերպ լինել: Փորձում եմ հրեշի նման լինել: Պայքարում եմ ամեն գնդակի համար ու փորձում անել լավագույնը: Դաշտից դուրս շատ ավելի հանգիստ եմ և չեմ սիրում ագրեսիվ լինել կամ նմանատիպ բաներ»,- ասել է Մխիթարյանը ակումբի պաշտոնական կայքին տված հարցազրույցում:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ