Վենետիկին հեղեղումների հասցրած վնասը հասել է 1 մլրդ եվրոյի

Վենետիկին հեղեղումների հասցրած վնասը հասել է 1 մլրդ եվրոյի, ասել է քաղաքապետ Լուիջի Բրունյարոն։

«Մենք քանդեցինք Վենետիկը։ Խոսքը միլիարդի հասնող վնասի մասին է, եւ մենք խոսում ենք այն մասին, թե ինչ տեղի ունեցավ երեկ չէ առաջին օրը, այլ ոչ թե այսօր»,- ասել է նա Սուրբ Մարկոսի հրապարակ մարզի նախագահ Վենետո Լուկա Ձայայի եւ «Լիգա» կուսակցության նախագահ Մաթեո Սալվինիի հետ այցելության ժամանակ, տեղեկացնում է ՌԻԱ «Նովոստի»-ն։

Մինչ այդ Վենետիկի քաղաքապետը Թվիթերում գրել էր, որ ստիպված է եղել փակել հրապարակները «բարձր ջրի» նոր ալիքի պատճառով, որն ուրբաթ առավոտյան հասել է 153 սանտիմետրի։

Ձայան, իր հերթին, իրավիճակը Վենետիկում բնութագրել է «լիակատար փլուզում»։

«Սուրբ Մարկոսի բազիլիկի ներսում ջուր է, մեկ մետրից բարձր։ Ջուր է տներում եւ խանութներում։ Լիակատար փլուզում է, որովհետեւ սկզբում ջուրը գալիս է ու սկսում վնասել, իսկ հետո, երբ հետ է քաշվում, թողնում է աղ, որը քայքայում է պատերը, հատակները, արվեստի գործերը, խճանկարները եւ էլեկտրական համակարգերը»,- նշել է Ձայան։