Խելահեղ հանդիպումներ եւ անհավանական ընթացք Չեմպիոնների լիգայում

Ֆուտբոլի Չեմպիոնների լիգայի խմբային մրցաշարում սկսվել են չորրորդ տուրի հանդիպումները: Երեկ կայացած գրեթե բոլոր հանդիպումները խելահեղ էին եւ թրիլերային զարգացմամբ:

E խումբ

Լիվերպուլ 2 - 1 Գենկ
Նապոլի 1 - 1 Զալցբուրգ

Թվում էր, թե իտալական ակումբը պետք է հեշտ հաղթանակի հասնի, բայց պարտվելով 1:0 հաշվով մի կերպ հավասարացրին հաշիվը եւ վաստակեցին մեկ միավոր: Դժվարին էր նաեւ Լիվերպուլի հաղթանակը: Այժմ Լիվերպուլն ունի ինը, իսկ Նապոլին՝ ութ միավոր:

F խումբ

Բարսելոնա 0 - 0 Սլավիա Պրագա
Բորուսիա Դորտմունդ 3 - 2 Ինտեր

Բարսելոնան չկարողացավ հաղթել չեխական համեստ Սլավիային, իսկ Բորուսիան առաջին խաղակեսից հետո պարտվելով 2:0 հաշվով կարողացան համախմբվել եւ խելահեղ երկրորդ խաղակես անցկացնելով հաշիվը դարձին 3:2: Բարսելոնան ունի ութ միավոր, Բորուսիան՝ յոթ, իսկ Ինտերը՝ չորս: Այստեղ դեռ որեւէ թիմ չի կարող իրեն հաջորդ փուլում համարել:

G խումբ

Զենիթ 0 - 2 ՌԲ Լայպցիգ
Լիոն 3 - 1 Բենֆիկա

Երեկ Լայպցիգն ակնհայտորեն ուժեղ էր ռուսաստանյան թիմից, իսկ Լիոնը՝ պորտուգալականից: Հաշիվներն ամբողջովին արտացոլում են խաղերի ընթացքը եւ ուժերի հարաբերակցությունը: Լայպցիգն ունի ինը, իսկ Լիոնը՝ յոթ միավոր: Զենիթը չորս միավորով երրորդն է:

H խումբ

Չելսի 4 - 4 Այաքս

Վալենսիա 4 - 1 Լիլլ

Լոնդոնում տեղի ունեցավ ֆուտբոլի պատմության ամենադրամատիկ եւ միաժամանակ ամենաուրախ հանդիպումներից մեկը: Այաքսը շատ արագ բացեց հաշիվը, Չելսին կարողացավ հաշիվը դարձնել 1:1, բայց դրանից հետո հոլանդական թիմը մեկը մյուսի հետեւից գոլեր խփեց Անգլիայի առաջնության առաջատարներից մեկին եւ հաշիվը դարձավ 4:1: Եւ այստեղ Չելսին որոշեց չհանձնվել՝ 4:2, իսկ հետո տեղի ունեցավ եզակի մի բան: Մի դրվագում երկու խախտման համար Այաքսի երկու ֆուտբոլիստներ ստացան երկրորդ դեղին քարտերը եւ հեռացավ դաշտից: Ինը հոգով մնացած Այաքսը բաց թողեց եւս երկու գոլ, բայց չպարտվեց, կարողացավ պահպանել 4:4 հաշիվը, թեեւ Չելսին խփեց հինգերորդը, բայց մրցավարներն այն չհաշվեցին:

Վալենսիան էլ պարտվում էր 1:0 հաշվով, բայց կարողացավ հաղթել 4:1 հաշվով:

Երեկ կայացած ութ խաղում թիմերը խփեցին 29 գոլ, մեկ խաղում միջին արդյունավետությունը հասավ 3,6-ի: 

Top-News.am