Զիդան. Ռեալն A ու B կազմ չունի, ես բոլորի վրա հույս եմ դնում

Մադրիդի «Ռեալի» գլխավոր մարզիչ Զինեդին Զիդանը պատմել է, թե ինչպես է կազմ ընտրում յուրաքանչյուր խաղի համար:

«Կան խաղացողներ, որոնք ավելի լավ կամ վատ են պատրաստված այդ պահին: Ես չունեմ A և B կազմ: Ամեն 3 օրը մեկ ստիպված եմ լինում որակյալ խաղացողների թողնել պահեստայինների նստարանին, բայց ես հույս եմ կապում նրանցից յուրաքանչյուրի հետ: Դա ինձ ամենից շատն է մտահոգում: Ձգտում եմ ընտրել լավագույններին, բայց կարող եմ փոխել որոշումս: Ինձ դուր չի գալիս, երբ ասում են, որ «Ռեալն» առաջին ու երկրորդ թիմ ունի: Դա ճիշտ չէ», – Զիդանի խոսքերն է մեջբերել Marca-ն:

Այսօր՝ Երևանի ժամանակով կեսգիշերին, «Ռեալը» Պրիմերայի 12-րդ տուրի շրջանակում կմրցի «Բետիսի» հետ: