Ֆուտբոլի ԱԱ-2022-ի ընտրական մրցաշարը Եվրոպայում կմեկնարկի 2021թ․ գարնանը

ՈւԵՖԱ-ն ներկայացրել է 2022թ․ աշխարհի առաջնության եվրոպական գոտու ընտրական մրցաշարի նախագիծը, հաղորդում է կազմակերպության մամուլի ծառայությունը։ Եվրոպան եզրափակիչ մրցաշարում կունենա 13 մասնակից։

Ընտրական մրցաշարում 55 հավաքականները կբաժանվեն 10 խմբերի, որոնցից 5-ում ընդգրկված կլինի 5-ական, 5-ում էլ՝ 6-ական թիմ։ Խմբերի հաղթողները կնվաճեն եզրափակիչ մրցաշարի ուղեգրեր, երկրորդ տեղերը գրաված թիմը կշարունակեն պայքարը ուղեգրերի համար փլեյ-օֆֆում։ Եվս երկու թիմեր ուղեգրերի համար անցումային հանդիպումների իրավունք կնվաճեն ՈւԵՖԱ-ի Ազգերի լիգայից, որը կմեկնարկի 2020թ․ աշնանը։

Փլեյ-օֆֆի վեց զույգերի հանդիպումները տեղի կունենան 2022թ․ մարտին։