Հայ հեռագնա վարորդները կարող են փող վաստակել Ռուսաստանում
Հայաստանը կմիանա Եվրասիական միությունում առափնյա փոխադրումների ռեժիմին: Այս մասին որոշումն ընդունվեց մայիսի 4-ին՝ կառավարության նիստի ժամանակ:
Այսպիսով՝ Ռուսաստանից դատարկաձեռն վերադարձող հայկական մեքենաների վարորդները կարող են տունդարձի ճանապարհին մեկ բեռնափոխադրում կատարել: Սա հնարավոր է կատարել Ռոստովի մարզում, Ստավրոպոլի երկրամասում, Հյուսիսային Օսիայում, այսինքն՝ Հայաստանից Ռուսաստան ցամաքային ճանապարհի երկայնքով: Կարգելվի երթուղուց շեղվել եւ փող վաստակելու համար երկրի խորքերն ուղեւորվել:
Համանման թույլտվություններ կգործեն Բելառուսի արեւելյան մարզերում (Գոմելի, Վիտեբսկի, Մոգիլյովի) եւ Ղրղզստանի հյուսիսային մարզերում (Թալասի, Իսիկ Կուլի, Չույայի): Այս 3 երկրների վարորդները նման թույլտվություն կստանան Հայաստանում՝ իրենց հետադարձ ճանապարհի երկայնքով, այսինքն՝ վրացական սահմանի մայրուղիներին: Ղազախստանը առայժմ ընդհանուր ռեժիմին չի միանա: