Ինչու է Էնրիկո Ապրիամովն ազատվել պաշտոնից. 4 ամիս առաջ տեղի ունեցած վթա՞րն է պատճառը
Գեներալ- լեյտենանտ Էնրիկո Ապրիամովը Զինված ուժերի գլխավոր շտաբի պետի առաջին տեղակալի պաշտոնից ազատվել է առողջական խնդիրների պատճառով: Այս մասին հայտնում են NEWS.am-ի աղբյուրները:
Մեր տեղեկություններով՝ 63-ամյա գեներալ- լեյտենանտն Ամանորի նախաշեմին տեղի ունեցած վթարից հետո դեռ լիովին չէր կազդուրվել: Հիշեցնենք, որ դեկտեմբերի 29-ին ժամը 07։20-ի սահմաններում Երեւան-Երասխավան ավտոճանապարհի 5-րդ կմ հատվածում Lexus մակնիշի ավտոմեքենայի վարորդը դեպի Երասխավան ընթանալիս բախվել էր Հյուսիս-Հարավ ավտոճանապարհին կառուցվող նոր կամրջի մոտ տեղադրված բետոնե սյանը եւ հայտնվել շինհրապարակում: Մեքենայում եղել է նաեւ գեներալ- լեյտենանտ Էնրիկո Ապրիամովը, որը մարմնական վնասվածքներով տեղափոխվել է ՀՀ ՊՆ Կենտրոնական կլինիկական զինվորական հոսպիտալ: Չնայած պաշտոնապես պնդում էին, որ նա թեթեւ վնասվածքներ է ստացել, մամուլում տեղեկություններ կային, որ գեներալը բավականին լուրջ վնասվածքներ էր ստացել:
Ավելի վաղ հայտնել էինք, որ Սերժ Սարգսյանի հրամանագրով գեներալ-լեյտենանտ Էնրիկո Ապրիամովն ազատվել է ՀՀ զինված ուժերի գլխավոր շտաբի պետի առաջին տեղակալի պաշտոնից եւ արձակվել զինվորական ծառայությունից:
Ապրիամովը Հայաստանի Զինված ուժերում ծառայում էր դրանց սկզբնավորման պահից:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ