Իրանը Թուրքիայից պահանջում է հեռանալ Սիրիայից

Իրանի Իսլամական Հանրապետության արտաքին գործերի նախարարության խոսնակ Բեհրամ Քասիմին դատապարտել է Թուրքիայի կողմից Սիրիայում և Իրաքում իրականացված ցամաքային գործողությունները: Ինչպես փոխանցում է «ermenihaber.am»–ը՝ «CnnTurk»–ին հղումով, Թեհրանը պահանջել է, որ Թուրքիան անմիջապես դադարեցնի տարածաշրջանում իրականացվող ռազմական օպերացիաները:

«Առանց կենտրոնական իշխանության թույլտվության՝ այլ երկրի միջամտությունը հանդիսանում է դատապարտելի գործողություն: Միջազգային չափանիշները խախտող այդ գործողությունը կարող է կործանիչ հետևանքների պատճառ դառնալ: Խորհուրդ ենք տալիս չիրականացնել նմանատիպ գործողություններ և անհապաղ դադարեցնել դրանք: Մենք աջակցում ենք Իրաքի տարածքային ամբողջականությանը և ինքնիշխանությանը: Դեմ ենք ցանկացած տեսակի մասնատման»,- ասել է Քասիմին:

Վերջինս շեշտել է, որ թեև Իրաքի քրդերը երկրի սահմանադրությամբ ունեն հստակ իրավունքներ, այնուամենայնիվ, նրանք իրավունք չունեն ընդդիմանալ երկրի տարածքային ամբողջականությանը:

Այս թեմայով Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում Վելայաթի. Բեյրութի հարցում սխալ հաշվարկը սպառեց համբերությունը․ Հրամանը տրված է, «X» ժամը մոտենում է Փեզեշքիանը հրաժարական չի տվել. «Tasnim»