«Արսենալ»-ի և «Չելսի»-ի նախկին դարպասապահը պայմանագիր է կնքել հոկեյի թիմի հետ

Անգլիական «Արսենալ»-ի և «Չելսի»-ի նախկին դարպասապահ Պետր Չեխը պայմանագիր է կնքել հոկեյի «Գիլֆորդ Ֆինիկս» թիմի հետ, որը հանդես է գալիս Մեծ Բրիտանիայի հոկեյի առաջնության երկրորդ դիվիզիոնում: Այս մասին հայտնում է lenta.ru-ն:

Չեխի նորամուտը կկայանա հոկտեմբերի 13-ին: Նշվում է, որ նախկին ֆուտբոլիստը մինչ պայմանագրի կնքումը մարզումներ է անցկացրել սառույցի վրա: Նրա համաձայնագիրն ուժի մեջ է մինչ մրցաշրջանի ավարտը:

«Սա անհավանական փորձ է ինձ համար: 20 տարի պրոֆեսիոնալ ֆուտբոլիստի կարիերայից հետո հանդես կգամ այնպիսի մարզաձևում, որը սիրում էի հետևել մանուկ հասակում»,- ասել է 37-ամյա Չեխը:

Հավելենք, որ «արիստոկրատներ»-ի կազմում Չեխը 4 անգամ հռչակվել է Անգլիայի չեմպիոն: Նա մարզական կարիերան ավարտել է 2019 թվականի գարնանը: Չեխիայի ազգային հավաքականի կազմում մասնակցել է 124 հանդիպման` 2004 թվականին դառնալով Եվրոպայի առաջնության բրոնզե մեդալակիր: