Համերգ Լիվերպուլում, բայց ոչ Բիթլզի կատարմամբ

Ֆուտբոլի Չեմպիոնների լիգայի խմբային մրցաշարում երկրորդ տուրի հանդիպումներն անցկացրին E-ից H խմբերում ընդգրկված թիմերը: Ամենագոլառատ հանդիպումը կայացավ Լիվերպուլում, որտեղ երկու թիմերի ֆուտբոլիստները իսկական համերգ տվեցին երկրպագուների համար:

E խմբում ընդգրկված Լիվերպուլն ու Զալցբուրգը միասին խփեցին յոթ գոլ: Երեք գոլ խփելուց հետո լիվերպուլցիները կանգնեցին, իսկ Զալցբուրգը հավասարեցրեց հաշիվը եւ միայն դրանից հետո Սալահը կարողացավ հաշիվը դարձնել 4:3:

Այս խմբի մյուս խաղում Գենկն ու Նապոլին դաշտից հեռացավ առանց գոլ խփելու:

Երկու տուրից հետո աղյուսակը չորս միավորով գլխավորում է Նապոլին: Երեքական միավոր ունեն Լիվերպուլն ու Զալցբուրգը: Ի դեպ, երկու խաղում ավստրիացիները խփել են ինը գոլ:

F խմբում Դորդմունդի Բորուսիան մրցակցի դաշտում 2:0 հաշվով հաղթեց Սլավիային, իսկ Բարսելոնան սեփական դաշտում մեծ դժվարությամբ 2:1 հաշվով հաղթեց Ինտերին, երբ պարտվում էր 1:0 հաշվով: 

Այժմ Բարսելոնան եւ Բորուսիան ունեն չորսական միավոր:

G խմբում Լիոնը շատերի համար անսպասելիորեն մրցակցի դաշտում երկու անպատասխան գնդակ անցկացրեց Լայպցիգի դարպասը, իսկ Զենիթը 3:1 հաշվով սպասվածից ավելի հեշտությամբ հաղթեց Բենֆիկային:

Երկու տուրից հետո չորսական միավորով մրցաշարային աղյուսակը գլխավորում են Լիոնն ու Զենիթը:

H խմբում Լիլլը սեփական դաշտում 2:1 հաշվով պարտվեց Չելսիին, իսկ Այաքսը փայլուն խաղով, նույնպես մրցակցի դաշտում 3:0 հաշվով հաղթեց Վալենսիային եւ վեց միավորով գլխավորեց խմբի աղյուսակը: 

Top-News.am