Դավիդ Սիլվան սահմանել է Պրեմիեր լիգայի ռեկորդ

Անգլիայի չեմպիոն «Մանչեսթեր Սիթիի» կիսապաշտպան Դավիդ Սիլվան սահմանել է Պրեմյեր լիգայի ռեկորդ։ 7-րդ տուրում «Էվերտոնի» նկատմամբ հաղթանակը (3։1) 200-րդն էր Սիլվայի համար Անգլիայի առաջնություններում։ Դրա համար իսպանացի ֆուտբոլիստին պահանջվել է 289 հանդիպում։ 33-ամյա խաղացողը Պրեմյեր լիգայի պատմության մեջ բոլորից արագ է հասել 200 հաղթանակի ցուցանիշին։

Դավիդ Սիլվան 2010թ․ ամռանն է իսպանական «Վալենսիայից» տեղափոխվել «Մանչեսթեր Սիթի» 28,75 միլիոն եվրոյով։ Նա դարձել է Անգլիայի քառակի չեմպիոն։ Դավիդ Սիլվայի պայմանագիրը մանչեսթերյան ակումբի հետ նախատեսված է մինչեւ այս մրցաշրջանի ավարտը։

Դավիդ Սիլվան Իսպանիայի հավաքականի հետ դարձել է աշխարհի չեմպիոն, Եվրոպայի կրկնակի չեմպիոն։Դավիդ Սիլվան սահմանել է Պրեմյեր լիգայի ռեկորդ