Ֆուտբոլային մրցավարը կոտրել է ոտքը, սակայն շարունակել է խաղը վարել մինչ ավարտ

«Կվիկ բոյս» եւ «Կատվեյկա» թիմերի հանդիպման ժամանակ, որը տեղի է ունեցել Նիդերլանդների 1/64-րդ եզրափակչի շրջանակներում, մրցավար Ռոբ Դեպերինկը կոտրել է ոտքը, սակայն չի դադարեցրել խաղը եւ վարել է այն մինչ ավարտ։ Այս մասին հայտնում է Fox Sports-ը։ Հիմնական ժամանակի ավարտին մրցավարը սայթաքել է, ապա սկսել ոտքի մեջ ցավեր զգալ։ Բժիշկները նրան առաջին օգնություն են ցույց տվել։

Սակայն նա չի դադարեցրել խաղն ու շարունակել է վարել՝ մինչեւ հավելյալ 30 րոպե ժամանակահատվածի ավարտը։ Հանդիպումն ավարտվել է 3։2 հօգուտ «Կատվեյկի»։ Միայն խաղի ավարտից հետո նա անցել է բուժզննում եւ նրա մոտ ախտորոշվել է ոտնաթաթի կոտրվածք։