Մորատան 1 րոպեում 2 դեղին քարտ է ստացել

Մադրիդի «Աթլետիկոյի» հարձակվող Ալվարո Մորատան հեռացվել է «Մալյորկայի» դեմ Իսպանիայի առաջնության 6-րդ տուրի խաղում։

Փոխարինման դուրս եկած 26-ամյա ֆուտբոլիստը խաղադաշտում անցկացրել է 9 րոպե։ Նա 69-րդ րոպեին փոխարինել էր իսպանացի հարձակվող Դիեգո Կոստային, իսկ 77-րդ րոպեին մրցակցի հետ վիճելու եւ ոչ մարզական վարքի համար երկու դեղին քարտ ստացել եւ հեռացվել։ «Աթլետիկոն» հաղթել է 2։0 հաշվով։

Մորատան չի օգնի արգենտինացի Դիեգո Սիմեոնեի գլխավորած թիմին Մադրիդի «Ռեալի» դեմ խաղում։ Իսպանիայի առաջնության 7-րդ տուրի այդ հանդիպումը տեղի կունենա սեպտեմբերի 28-ին եւ կմեկնարկի Երեւանի ժամանակով 23։00-ին։